Bilete frå Langlim.

Bygda fekk ikkje bilveg før i 1958. I 1960 blei skulen lagt ned. Skuleborna blir skyssa til Flatdal, men Langlim høyrer til Åmotsdal kyrkjesokn.  

Mandal er ei langstrekt bygd langs Mandøla, frå ho renn ut av Sundsbarmvatnet til ho møter Åmotsdalsåi ved Moland, ei lengde på ca 4-5 km. Mandal kjem av eit gamalnorsk namn der fyrstelekken i ordet har vore namnet på ei å. Dette namnet finst ikkje lenger i kjende kjelder, men har vore det gamle namnet på Mandøla, også kalla Mandalsåi.

I Mandal bur det i dag langt under 50 fastbuande. Det er få gardsbruk i drift, og dei fleste yrkesaktive pendlar til arbeid utanfor bygdi. Skulen blei lagt ned fyrst på 60-talet, og skulehuset er no grendehus. Bygdi fekk eige kapell i 1954, og saman med grendehuset er dette samlingsstaden for bygdefolket i ulike samanhengar.